Çe ITF-i həmtəsisəkə iyən 2017-nə soriku Tolışə Milliyə Akademiyə (TMA) icroəkə mudir. 1986-nə sorədə Bə V.P. Qoryaçkini nom Moskvə Di Təsərrufoti İstehsali Mıhəndison İnstitut (ısətnə Bə V.P. Qoryaçkini nom Moskvə Devlət Aqrar Mıhəndison Universitet) oroxniyəşe. 1988-nə soriku Litvadə jiyedə. 2011-2015-nə soronədə “Tolış” iyən “Azəri” ictimayi ibemonon rəhbər bıə. 2011-2018-nə soronədə Litva Di təsərrufati Palata Şura uzv bıə. 2016-nə soriku Tolışə Milliyə Akademiyə rəhbəronədə qıləye. Tobə ITF təsis be bənə şəxsi mesenati sıvoy Tolışə Milliyə Akademiyə bə tolışə zıvonədə qəzet iyən kitobon nəşri, həmçinin multfilmon bə tolışə zıvon tərcumə kardə loyihon dastək doəşe.

Çe ITF-i həmtəsisəkə iyən çe “Zizə TV” tolışə İnternet televiziyə təsisəkə. 1986-nə sorədə Bə V.İ.Lenini nom Ozorboycon Pedaqoji İnstitut (ısətnə Boku Slavyan Universitet) oroxniyəşe. 1986-2004 soronədə de pedaqoji fəoliyəti məšǧul bıə. 1992-1993-nə soronədə çe Ozorboyconi Masalli rəyoni İcra hakimiyətədə ko kardəşe. 2001-nə sorədə Çe Ozorboycon Respublikə Təhsil Problemon İnstituti (ısətnə Çe Ozorboycon Respublikə Təhsil İnstitut) aspiranturəş oroxniyə. 2004-nə soriku bə İsveçış miqrasiyə kardə, əmmo çe Ozorboyconi ictimai-siyosi jimonədə iştirok karde dəvom kardedə. 2006-nə sorədə bə Ozorboyconi parlament nomizədətiş doə. Tobə ITF təsis be de mesenatəti məşğul bıə iyən mıxtəlifə kitobon (“Əxbərnomə”, “Avestə” iyən Jak de Morqani vıjniyə bıə əsəron) bə tolışə zivoni tərcumon vadoədə iştirok kardəşe.

Çe ITF-i həmtəsisəkə iyən İnsoni Hıquqonro Tolışə Beynolxəlğə Təşkiloti (TİMRO) təsisəkə. 1994-nə sorədə Moskvə Avtomobilə Roon İnstitut (ısətnə Moskvə Devlət Avtomobilə Ro Texniki Universitet) oroxniyəşe. 1990-nə soronədə çe Rusiyə iqtisadiyəti mıxtəlif sahonədə rəhbər ko kardəşe. 2001-nə sorədə bə Almaniyə mıhocirət kardışe. 27 dekabr 2019 soriku detobə 7 avqust 2021 sori Mıhocirətədə bıə Tolış-Mıǧonə Muxtarə Respublikə hukməti ekoloqiyə və təbii sərvəton vəzir, 2021 sori 15 fevral – 7 avqust arədə isə çəy vitse-prezident bıə. 7 avqust 2021-nə soriku çe Tolış-Mıǧon Muxtarə Respublikə dıminə Prezidente. Tobə ITF təsis be de mesenatəti məşğul bıə iyən bə mıxtəlif tolışə maarifəti loyihon dastək doəşe.