Zılfiğar Əhmədzodə Pensəji Medal
Zılfiğar Əhmədzodə Pensəji Medal
Zılfiğar Əhmədzodə Pensəji Medal Beynolxəlğə Tolışə Fondi tərəfiku 2023-nə
sorədə bənə bə tolışə zıvonədə nıvıştə bıə ədəbiyoti inkişafiro vocibə xıdməton qornə
doə bıə harsoronə milliyə mıkofoti təki təsis karde bıə.
Medal iminə kərə bə mıosirə tolışə ədəbiyoti bani – şair Zılfiğar Əhmədzodə Pensəji
(1898-1940) moəmo be 125 sori şərəf təsis kardə bıə. Mıkofoti laureat har sor əçəy
moəmo bıə ruji – 14 iyundə elon karde bedə.
Medal bə tolışə zıvonədə əsəronış iyən tolışə ədəbiyoti inkişofədə umumi xıdmətonış
bıə, laureat elon kardə vaxti bəji bıə mıəllifi doe bedə. Medal bə mıəllifi umrədə i kərə
doe bedə.
Nomizədon siyohi iyən medali laureat çe mıkofoti 7 kəsiku iborət bıə komitə niyonkılə
mızokiron iyən səçınon (sədo doe) nəticədə mıəyən bedə. Sıvoy ımi, omə soronədə çe
mıkofoti laureaton har sor bə komitə i nəfər nomizəd təklif karde həxışon heste.
Nomizədon siyohi elon karde bedəni.
Mıkofoti laureat Zılfiğar Əhmədzodə Pensəji medal, diplom iyən Beynolxəlğə Tolışə
Fondi tərəfo har sor məbləğış mıəyən kardə bıə pulinə mıkofot səydə.
Mıkofot doe mərosimədə laureat tolışə zıvondə bıə mıhozirə çıxış handedə.
Çe mıkofoti laureaton:
2023-nə sor:
Xanəli Tolış (t. 1940)
«Tolışə ədəbiyoti bərpo iyən ovc karde, tolışə nəciməsənəti ozavziye iyən qəncin karde roədə barzə xıdməton iyən bə ıştə inə zıvoni de sədoqət iyən vəfomandəti pur bıə viriskəynə şeriyə ofəyevonəti qorə».
2024-nə sor:
Dr. Ehsan Şəfiqi (t. )
«Tolışə ədəbiyoti bərpo iyən ovc karde, tolışə nəciməsənəti ozavziye iyən qəncin karde roədə barzə xıdməton iyən bə ıştə inə zıvoni de sədoqət iyən vəfomandəti pur bıə viriskəynə şeriyə ofəyevonəti qorə».
Laureati mıhozirə. >>
