Beynolxəlğə Tolışə Fond (International Talysh Foundation - ITF) çe ictimai jimoni mıxtəlifə sahonədə loyihon bə meydon vardeədə bə tolışə milləti sosial, maliyə iyən maddi dastək nişo doe məğsədinə 2023-nə sorədə Avropədə jiyə tolışə ictimaiyə xadimon tərəfo soxtə bıə. Fond mayə manqi 9-də Stokholmədə (İsveç) de “Talysh International Foundation Insamlingsstiftelse” nomi, 2024-nə sori yanvari 31-də isə Vilnusədə (Litva) de “Tarptautinis talyšų paramos fondas” nomi ğeydiyato dəvardə.

ITF çe tolışə milləti tarıxi-mədəniyə irsi iyən zıvoni oqəte, omute, populyar karde iyən inkişof kardovniye, həmçinin, de Tolışıstoni eğrorə sosial-siyosiyə, iqtisodi iyən ekolojiyə inkişofi məğsədi mıxtəlif mədəni, elmi-tədğığot, təhsil, sosial, siyosi, ekoloji iyən infrastrukturinə loyihon bino kardedə iyən bəvon dastək doydə, de tolışə milləti bə şəkrə bıə mediyə istehsoli iyən bə pevolo karde koməğ kardedə. Həmçinin Fond tolışə milləti iyən əçəy həmə dınyoədə bıə nımoyəndon huğuğon beynolxəlğə huğuği normon tam mıvofiğə mıdofiə qornə loyihon bino kardedə iyən bəvon dastək doydə. Bə ın məğsədi nail bero Fond fiziki iyən huğuği şəxson bə tolışə milləti hartərəfinə inkişofi səbəro bıə fəoliyəti maliyə noe-noe əvoni bə həvəs vardedə iyən bəvon dastək doydə.

ITF çe tolışə milləti de dınyo iyən reqioni co milləton mədəniyətonarə dialoqi, çe dınyo ictimoiyəti tolışə milləti, əçəy mədəniyəti, zıvoni iyən tarıxi həxədə məlumotin be ziyod kardə loyihon təşviğ kardedə iyən bəvon dastək doydə, həmçinin bə beynolxəlğə mədəni, elmi iyən sosial-siyosiyə məkoni inteqrasiyə omuj be cəhd kardedə iyən de dınyo həmə tərəfədə bıə tərəfdoşon vəynə bıə əloqon hozıye. Bə ivrə təşkil kardə bıə həmə mısobiqon bərobər əhəmiyətinə dıtərəfinə ekspertizə iyən tərəfon nezə maliyə iştiroki əsosədə bə jimon dəvoniyə bedən.

Fondi maliyə iyən budçə dılısoxtə pərdaxton, ianon iyən hədiyonku, həmçinin vəsiyətə sərəncomon iyən meroson, həmçinin co bəromonku iborəte. Fondi həmə bəromon bə çe ITF-i məğsədon cəvob doə loyihon maliyə noe sərf bedən. 

Çe Fondi koy təşkiloti 3 həmtəsisəkə daxil bıə İdorə Heyət koordinasiyə kardedə.

Fondi həxədə:

Çe Fondi nom: Beynolxəlğə Tolışə Fond
Çe Fondi kod: 306672627
Çe Fondi unvon: Girulių g.5, Vilnius, LT-12124 Lietuva
Çe bənki hisobi numrə: LT584010051005865233
Çe bənki kod: 40100
SWIFT kod: AGBLLT2X
Çe bənki mon: Luminor Bank AS
E-mail: info@talyshfund.org
Tel.: +370 60189998