Məxfiyəti siyosət

Xıvandış “Tarptautinis talyšų paramos fondas” bıə www.talyshfund.org sayt (Beynolxəlğə Tolışə Fond, inq. International Talysh Foundation), şımə şəxsi məlumoton qırdə iyən idorə kardedə.

www.talyshfund.org sayti Şımə şəxsi məlumoton oko doe iyən Şımə şəxsi məlumoton qırdə karde səbəbon bın məxfiyəti siyosətədə izoh kardə bedən. Bə qoroşən, zəhmət nıbu, bə www.talyshfund.org sayt dəşeədə sıftə ın sənədi bahandən.

In siyosət bo tərəfmandon tərəfo təğdım kardə bıə məlumoton məxfiyəti iyən məlumoti hifz karde qornə ciddiyə prinsipon mıəyən kardedə və çe Avropə İttifoqi Umumi məlumoton hifz karde ğaydon iyən həm həmə Avropə İttifoqi həmən İsveç Kralətiyədə ğıvvədə bıə ğanunon iyən ğaydon çərçivədə bə vırə rosnə bedə.

Çəmə qırdə kardə şəxsi məlumoton

Əmə şımə şəxsi məlumoton əncəx de şımə icozə qırdə kardedəmon iyən oko doydəmon.

Şımə bə www.talyshfund.org sayti diyə kardeədə əmə avtomatik şımə cihozi, brauzeri, İP unvoni saati kıştiyon iyən şımə cihozədə bənə kukion (inq. cookies) bıə mıəyən məlumoton qırdə kardedəmon. Əmə həmən bə sayti diyə karde həxədə bıə statistikə məlumotonən qırdə kardedəmon: şımə ziyorət kardə səhifon, diyə kardə məhsulon iyən saytədə axtar kardə co məlumoton. Əmə bə ın avtomatik qırdə kardə bıə məlumoton “Cihozi məlumoton” nom noydəmon. De ın məlumoton qırdə karde roy sayti ziyorət kardəkəsi şəxsiyəti mıəyən karde mımkun ni.

Əmə həmçinin şımə çəmə saytədə ıştə hisobi soxteədə de xoşaxoşəti təğdım kardə şəxsi məlumotonən (nom iyən fəmiliyə, movardə ruji tarıx, e-mail, telefoni numrə, kəy unvon, şəxsi fotoşikil, bənki kərti rekviziton, elektronə pulə kisə identifikatoron, sosialə şəbəkonədə hisobi detalon, çe bənki hisobi rekviziton barədə i.c.) qırdə karde bəzınemon.

Şımə ixtiyoron heste ki, ıştə şəxsi məlumoton bəmə təğdım nıkəyon, əncəx bın holədə şımə çe sayti təğdım kardə funksiyon əksəriyətiku istifodə karde əzınişon.

Boçi əmə şımə məlumoton qırdə kardedəmon?

Bo əməno Şımə məlumoton bexətoəti vey əhəmiyətine, çimi qorən əmə əncəx şımə ən zəruri bıə şəxsi məlumoton qırdə kardedəmon iyən idorə kardedəmon ki, be əy sayti befosilə ko karde təmin karde əzınimon. Avtomatik qırdə kardə bıə məlumoton bo sayti analitikəro oko doe bedə. Şəxsi məlumoton çəmə veb-sayti fəoliyəti çok karde, de əçəy ziyorət kardəkəson əloqə oqəte, okoədon (istifodəəkon) de tələb kardə məlumoton təmin karde, de e-maili vositə xəbə buletenon pevılo karde iyən de veb-sayti fəoliyəti bə şıkrə bıə xıdməton nişo kardero qırdə karde bedə.

Çe «cookies»iku istifodə

Məzmuni sərrost nişo doe iyən talyshfund.org sayti rohət oko doero əmə «cookies» (kuki) faylon oko doydəmon. Imon Şımə cihozədə oqətə bıə qədə faylonin. Əvon ə məlumotonin ki, bə bənə Şımə bə sayt kon zıvondə diyəon kardə iyən kon səhifon okardə təki məlumoton yodədə oqəteədə koməq kardedən. In məlumoton vəomə kərə Şımə sayti ziyorət kardeədə koməq bəben. «Cookies» bə sayti diyə karde həniyən rohət kardedən. Şımə ıştən ıştə brauzeri konfiqurasiyə karde bəzıneşon ki, «cookies» ğəbul bıko ya ne. «Cookies» ğəbul nıkarde sayti funksionaləti bə ji eğande bəzıne.

Məlumoton mıhofizə karde:

Bo Şımə şəxsi məlumoton mıhofizə kardero əncəx bo səlahiyətinə şəxson dastrəs bıə barzə keyfiyətinə serveron oko doydəmon. Şımə şəxsi məlumoton ziyan je zınə konsə zəifətiyon iyən kiber hıcumon be-nıbe mıəyən kardero ıştə sistemon mıtəmodi osə kardedəmon. Ha jıqo, əmə bə Şımə məlumoton mıtləğ şikilədə betəhlukəti zəmonət doe əzınimon.

Məlumoton oqəte, deqiş karde iyən mole

Çe Avropə İttifoqi rezident bıə iyən ıştə şəxsi məlumoton bə talyshfund.org sayti təğdım kardə okoədə ıştə şəxsi məlumoton hifz kardero bə curəbəcurə hığuğon malike:

• Məlumot səy həx.

• Çəmə tərəfo emol kardə bıə bə Şımə aid bıə məlumoti daxil be həx.

• Şımə həxədə dəqiq nıbə və ya sərrost nıbə məlumoti sərost karde həx.

• Şımə barədə bıə həmmə məlumoton mole həx.

• Məlumoton emol karde məhdud karde həx.

• Şımə barədə qırdə kardə bıə həmmə məlumoton bə co idorə kardəkəsi doe həx.

• Bə şəxsi məlumoton emol karde etiroz karde həx.

• De məlumoton avtomatik idorə karde anqıl bıə həxon.

Şımə şəxsi məlumoton bo sayti əsos fəoliyəton çe həmonə məlumotonku istifodə kardero lozim bıə vaxti ərzədə oqətə bəben. Şımə məlumotonku istifodə karde orəxeədə sayti rəhbərəti əvoni moledə. Iştə şəxsi məlumoton bə dast varde qornə de sayti administrasiyə de jitono bıə ədresi əloqə oqəte bəzıneşon: “Tarptautinis talyšų paramos fondas” (Beynolxəlğə Tolışə Fond, inq. International Talysh Foundation), Litva, Vilnus, Qiruliu kuçə, kə № 5, LT-1224 (Girulių g. 5, LT-12124 Vilnius, Lietuva).

Şımə şəxsi məlumoton əncəx de Şımə şəxsi roziyəti bə seminə tərəf doe bəzınemon; əğər doə bıəbu, əmə bəvədə de əmə əloğəş nıbə co təşkilotonku məlumoton deqiş karde əzınimon.

Çe əğılon tərəfo doə bıə məlumoton

Əğər Şımə valideyin və ya ğəyumiyonsəbu iyən Şımə zınedəşonsə ki, Şımə əğılon tərəfo bə əmə be Şımə icozə şəxsi məlumoton doə bıən, bə holədə xahiş kardedəmon, de əmə əlağə oqətənən: info@talyshfund.org.

Be valideynon və ya ğəyumon roziəti çəmə servisdə bə həddi-buluği nırəsə şəxson məlumoton oqəte ğədəğəne.

Co servison tərəfo şəxsi məlumoton oko doe

In sayt de çəməku bəşıkrə nıbə məlumot qırdə kardə seminə tərəfi İnternet xıdmətonku istifodə kardedə: Google Analytics, Google AdSense, Facebook.com.

Bəzıne be ki, çəvon qırdə kardə məlumoton həmonə təşkiloti dılədə bıə de co xıdməton paybaxş kardə bıbun, əvon çe ın məlumotonku ıştə reklam şəbəkon reklami fərdi kardero oko doe bəzınen.

Çe ın təşkiloton internet saytonədə okoədon mıqavilon hande bəzıneşon. Əmə şəxsi məlumoton bın məxfiyəti siyasətədə ğeyd kardə nıbə co təşkiloton iyən xıdmətonədə paybaxş kardənimon. Ha jıqo, ıştə hığuğon, çəmə ıştəni iyən co kəson bexətoəti hifz karde, cinoyəti tədğığ karde və ya hukuməti şımə şəxsi məlumoton okarde tələbi cəvob doe qornə zərurət bıbo, çe ğanuni tələb karde təki Şımə şəxsi məlumoton bəyan karde hığuği ıştəku oqətedəmon.

Bə co sayton link

Çəmə talyshfund.org veb-saytədə bə çəmə tərəfo idorə nıbə co veb- saytonən linkon be bəzınen. Çəmə bəçəvon məzmuni qornə məsuliyətmon ni. Şımə ziyarət kardə konsə veb-sayt hestebu, məsləhət kardəmon ki, əçəy məxfiyəti siyasəti bıhandənən.

Məxfiyəti siyosətədə deqişətiyon

Çe əmə talyshfund.org veb-sayt vaxtbəmiyon ıştə məxfiyəti siyosəti deqiş karde bəzıne. Tojə məxfiyəti siyosəti barədə bın səhifədə de məlumot paybaxş karde roy bə şımə xəbədoəti kardə bəbe. Əmə Avropə İttifoqədə iyən İsveç Kralətiyədə de şəxsi məlumoton bə şıkrə bıə ğanundoətiyədə bıə deqişətiyon rımuz kardedəmon. Əğəm Şımə ıştə şəxsi məlumoton bəməkuyon oqətəbu əmə Şıməni məxfiyəti siyosətədə bıə deqişətiyon barədə xəbədo bakamon. Əğər Şımə şəxsi məlumoton səhv daxil kardə bıənbu, əmə de şımə əloğə oqəte əzınimon.

Əks əloğə, oxonə mıddoon

Məxfiyəti siyosət və ya de Şımə şəxsi məlumoton bə şıkrə bıə parson de talyshfund.org sayti administrasiyə de info@talyshfund.org unvan və ya ın sayti mıvofiqə poəonədə nişo kardə bıə əloqə məlumoton əloqə oqəte bəzıneşon. Şımə əğəm de ın məxfiyəti siyosəti rozi niyonsə talyshfund.org sayti xıdmətonku istifodə karde əzınişon, bın holədə Şımə bə çəmə sayti dəşeku orəməniniyon.