İTF-nin həmtəsisçisi və 2017-ci idən Talış Milli Akademiyasının icraçı direktoru. 1986-cı ildə V.P.Qoryaçkin adına Moskva Kənd Təsərrüfatı İstehsalı Mühəmdisləri İnstitutunu –indiki V.P.Qoryaçkin adına Moskva Dövlət Aqrar Mühəmdisləri Universitetini bitirib. 1988-ci ildən Litvada yaşayır. 2011- 2015-ci illərdə Litvadakı “Talış” və “Azəri” birliklərinin sədri olub. 2011-2020-ci illərdə Şalçiçin Fermerlər Assosasiyasının rəhbəri olub. 2014-2018-ci illərdə Litva Kənd Təsərrüfatı Palatasının Şura üzvü olub. 2016-cı ildən Talış Milli Akademiyasının rəhbərlərindən biri olub. İTF təsis edilənəcən fərdi mesenat olaraq Talış Milli Akademiyasından əlavə talış dilində kitab və qəzet dərcinə, həmçinin cizgi filmlərinin talış dilinə tərcüməsinə maddi dəstək verib.

İTF-in həmtəsisçisi və talış dilində yayımlanan “Zizə TV” internet televiziyasının təsisçisidir. 1986-cı ildə V.İ.Lenin adına Azərbaycan Pedaqoji İnstitutunu – indiki Bakı Slavyan Universitetini bitirib. 1986-2004- cü illərdə pedaqoji fəaliyyətlə məşğul olub. 1992-1993-cü illərdə Masallı rayonunun icra hakimiyyətində çalışıb. 2001-ci ildə Azərbaycan Respublikası Təhsilin Problemləri İnstitutunun – indiki Azərbaycan Respublikasının Təhsil İnstitutunun aspiranturasını bitirib. 2004-cü ildə İsveçə mühacirət etməsinə baxmayaraq Azərbaycanın ictimai-siyasi həyatında iştirak etməklə 2006-cı ildə Azərbaycan parlamentinə namizədliyini irəli sürüb. İTF təsis edilənədək mesenatlıqla məşğul olaraq müxtəlif kitabların – konkret olaraq “Əxbərnamə”, “Avesta” və Jak de Morqanın seçilmiş əsərlərinin talış dilinə tərcümə edilməsində birbaşa iştirak edib.

İTF-in həmtəsisçisi və İnsan Haqları üzrə Talış Beynəlxalq Təşkilatının – TİMRO-nun təsisçisidir. 1994- cü ildə Moskva Avtomobil Yolları İnstitutunu – indiki Moskva Avtomobil Yolları Dövlət Texniki Universitetini bitirib. 1990-cı illərdə Rusiyada iqtisadiyyatın müxtəlif sahələrində rəhbərlikdə çalışıb. 2001-ci ildə Almaniyaya mühacirət edib. 27 dekabr 2019-cu ildən 7 avqust 2021-ci ilədək mühacirətdəki Talış Muğan Muxtar Respublikası hökumətinin ekologiya və təbii sərvətlər naziri, 15 fevral 2021-ci ildən 7 avqust 2021-ci ilədək vitse-prezident olub. 7 avqust 2021-ci ildən isə Talış Muğan Muxtar Respublikasının ikinci prezidentidir. İTF təsis edilənədək mesenatlıqla məşğul olaraq müxtəlif talış maarifçiliyi layihələrinə dəstək verib.